Milliy gvardiya boshqarmasida bir kun
Milliy gvardiya Jizzax viloyati boʻyicha boshqarmasi tomonidan maktab oʻquvchilari va mahalliy yoshlar uchun “Ochiq eshiklar kuni” tadbiri oʻtkazildi.
Harbiy xizmatchilar yosh mehmonlarga Milliy gvardiya faoliyati, Vatanga sadoqat va xizmat burchlari haqida gapirib berishdi, shuningdek qoʻl jangi mahoratini va xizmat itlari bilan mashgʻulotlar qanday oʻtkazilishini namoyish yetishdi. Tadbir doirasida qurol-aslaha va harbiy texnika, shaxsiy himoya vositalari koʻrgazmasi tashkil etildi. Yigitlar harbiy kiyim va shaxsiy himoya vositalarini kiyib koʻrish imkoniga ega boʻldilar va shartli daryo yoki jarlikdan arqonda yurish osonmi yoki yoʻqligini tekshirdilar. Koʻrgan va eshitgan har bir narsa, shubhasiz, yosh avlod xotirasida uzoq yillar davomida qolib, ularda harbiylik kasbiga boʻlgan hurmat va qiziqishini yanada oshiradi.
Shuningdek, Bandlikka koʻmaklashish markazi va Jizzax viloyati monomarkazi hamkorligida yoshlar uchun mehnat yarmarkasi tashkil etildi.
Ochiq eshiklar kuni yakunida esa yosh mehmonlar oʻrtasida turli sport musobaqalari oʻtkazildi.
