Qadimiy qadamjolarga sayohat
Yosh sayohatchilar dastlab Nurota shahridagi “Chashma” majmuasida bo‘lib, qadimiy “Nur” qal’asi tarixi bilan tanishdi. Sayohat davomida ziyoratgohga tashrif buyurgan yosh yigit-qizlarga mamlakatimiz tarixi, tarixiy qadamjolar haqida so‘zlab berildi.
Shundan so‘ng, yoshlar “Dehibaland” ziyoratgohidagi Imom Muhammad Xanafiya qabristoni, sirli g‘or, duldul toshi, tuya toshi kabi tarixiy obidalar hamda tabiat mo‘jizalari bilan tanishdilar.
– Sirli va nurli Nurota ziyoratgohi bizda juda katta taassurot qoldirdi, – deydi Asatulloyevlar oilasi farzandi Sharipova Sabrina – Sayohat davomida bu zaminda yashab o‘tgan avliyolar va tarixiy shaxslar hayoti haqida kengroq ma’lumotlarga ega bo‘ldik, bilim va ko‘nikmalarimizni yanada boyitib oldik.
Tadbir so‘nggida, kelgusida mamlakatimizning boshqa hududlariga ham sayohatlar tashkil qilishga kelishib olindi.
