"OILAVIY BOLALAR UYI" TARBIYALANUVCHILARI YO‘L HARAKATI QOIDALARI BILAN YAQINDAN TANISHMOQDA
Kuni kecha Termiz shahridagi Mudofaaga ko‘maklashuvchi “Vatanparvar” tashkilotida, "Oilaviy bolalar uyi" o‘g‘il-qizlari uchun yo‘l harakati qoidalari bo‘yicha o‘quv mashg‘ulot tashkil etildi. Bolalar orasida yo‘l transport hodisalari bilan bog‘liq bo‘lgan baxtsiz holatlarning oldini olish, yoshlarda yo‘l harakati xavfsizligi bo‘yicha nazariy va amaliy ko‘nikmalarini shakllantirish maqsadida tashkil etilgan mashg‘ulot davomida IIB YHXB mutaxassislari tomonidan tegishli maʼlumot va tushunchalar berildi. Viloyatda sodir etilgan yo‘l transport hodisalari haqida videoroliklar namoyish etilib, yoshlarning piyoda harakatda ham yana-da hushyor bo‘lishlari zarurligi tushuntirildi. Amaldagi yo‘l belgilari, tartib-qoidalari xususida maʼlumotlar berildi. Bolajonlar o‘zlarini qiziqtirgan savollariga batafsil javoblar oldilar.
