Oilaviy uylar tarbiyalanuvchilari hamisha eʼtibor markazimizda!
Milliy gvardiya Farg‘ona viloyati bo‘yicha boshqarmasi boshlig‘i o‘rinbosari, shaxsiy xavfsizlik bo‘lim boshlig‘i, tibbiyot xizmati bo‘limi xodimi hamda inspektor-psixologlar viloyat bo‘ylab tashkil etilgan oilaviy uylarga tashrif buyurib, ularning yashash sharoitini o‘rgandi.
Kun davomida:
Bolalarning taʼlim olishi, o‘ynashi, dam olishi va har tomonlama rivojlanishi uchun yaratilgan sharoitlar;
Oilaviy uy tashkil etish to‘g‘risidagi tuman-shahar hokimlarining qarorlari mavjudligi;
Bolalar va oila aʼzolarining tibbiy ko‘rik natijalari;
Xonadonning sanitariya qoidalariga amal qilishi;
Bolalarning taʼlim olayotgan maskanlari hamda biriktirilgan inspektor-psixologlar bilan hamkorlik o‘rnatilganligi;
Ota-onalarning ish joyi, lavozimi hamda o‘quv-kurslarida o‘qiganlik sertifikatlari borligi;
yangi o‘quv yiliga tayyorligi, maktab uchun zaruriy o‘quv qurollari bilan taʼminlanganligi, mavsumiy kiyim- kechaklar borligi;
Bolalarga biriktirilgan hamshira va vrachlar bilan hamkorlik o‘rnatilganligi;
Isteʼmol qilinayotgan oziq-ovqatlar sifati va saqlanish sharoiti;
Bolalarning kompyuter, televizor va tezkor internet tarmog‘i bilan taʼminlanganligi;
Zaruriy dori vositalari hamda dori qutisining mavjudligi tekshirildi.
Bundan tashqari, bolalar bilan yakka tartibda va oila davrasida suhbatlar o‘tkazildi. Bolalarning muammo va takliflariga alohida eʼtibor qaratilib, oiladagi axloqiy-psixologik muhit hamda bolalar va o‘smirlarning ruhiy holati bo‘yicha xulosalar qilindi.
Uchrashuvlar yakunida ota-onalarga maslahatlar berilib, ularga bolalarga mustaqillikni o‘rgatish, yangi o‘quv yiliga tayyorgarlik ko‘rish va umuman, oilada ishonchli, do‘stona munosabatlarni o‘rnatish bo‘yicha tavsiyalar berildi.
