"Oilaviy bolalar uyi"da tarbiya topayotgan qizlar o‘rtasida "To‘maris izdoshlari" deb nomlangan ko‘rik-tanlov bo‘lib o‘tdi
Yuqori kayfiyat hamda ko‘tarinki ruhda boshlangan mazkur bellashuv hakamlar hayʼati tomonidan ishtirokchilarning bilimlari, etikasiga muvofiq imijlari hamda tezkorlik, zukkolik va chaqqonliklari odilona baholanib borildi.
Shuni alohida taʼkidlash joizki, Buxoro muhandislik-texnologiya instituti hamkorligida bo‘lib o‘tgan ushbu tadbirda, institutning sanʼatga ixlosi baland talabalari tomonidan ijro etilgan kuy-qo‘shiqlari tadbirning yuqori saviyada bo‘lib o‘tishiga xizmat qildi.
Tadbir yakunida g‘oliblar va faol ishtirokchilar munosib rag‘batlantirilib, rahbariyat tomonidan diplom va esdalik sovg‘alari taqdim qilindi.
Mazkur ko‘rik-tanlov yosh qizlar o‘rtasida sog‘lom, maʼnaviy-axloqiy muhitni yana-da mustahkamlash, ularning maʼnaviy-intellektual salohiyati, ongu-tafakkuri va dunyoqarashini yuksaltirishga yo‘naltirilgan bo‘lib, mustaqil hayot ostonasiga qadam qo‘ya boshlagan bo‘lajak bekajonlarni milliy qadriyatlarimiz, tarixiy-maʼnaviy merosimizga hurmat va sadoqat ruhida tarbiyalash, dunyoqarashi va fikrlash doirasini kengaytirish, ijodiy salohiyatini oshirish, maʼnaviy barkamol shaxs bo‘lib voyaga yetishlariga keng zamin yaratmoqda.
