Oilaviy bolalar uyi farzandlarining go‘zal Samarqand bilan tanishuvi
Yozgi ta’til tugashiga juda oz fursat qoldi va Qashqadaryo viloyati Kasbi tumanidagi Aralovlar oilaviy bolalar uyi ota-onalari o‘z farzandlarini Samarqandga olib borish imkoniyatini qo‘ldan boy bermaslikka qaror qildilar. Sayohat oldidan ota-onalar bolalarga Samarqand tarixi, bu qadimiy shahar nima uchun O‘zbekiston durdonasi deb atalgani haqida so‘zlab berishdi.
Bu ulug‘vor shaharga birinchi bor tashrif buyurgan bo‘lsada, bolajonlar Samarqand ko‘chalarida huddi qadrdon maskanda yurgandek o‘zlarini his qildilar. Biroq, eng batafsil hikoyalar ham Samarqandning haqiqiy go‘zalligini ta’riflab berolmaydi, deya ta’kidladi bolalar. Uyga qaytish chog‘ida ota-onalar va bolalar o‘z taassurotlari bilan bo‘lishdilar va yana bir bor Samarqandga kelish istagini bildirishdi.
