Oilaviy bolalar uylari farzandlari doimo eʼtiborda
Milliy gvardiya Surxondaryo viloyati boʻyicha boshqarmasi harbiy xizmatchilari va xodimlari bugun oilaviy bolalar uylari, vasiylik va homiylik ostida voyaga yetayotgan farzandlarga yanada eʼtiborni kuchaytirmoqda . Kuni kecha Milliy gvardiya harbiy xizmatchilari Angor tumanidagi 1-sonli oilaviy bolalar uyiga tashrif buyurdi.
Bolalar taʼtil qanday oʻtayotgani, oilaviy sayohatlarga qayerga borganliklari, maktabga nima sotib olishni rejalashtirayotgani, toʻgaraklarda oʻrganganlari va sportdagi muvaffaqiyatlari, yangi doʻstlari, sevimli kitoblari va filmlari haqida gapirib berdilar.
Harbiy xizmatchilar ota-onalar bilan ham suhbatlashdilar, bolalarning turmush sharoitini oʻrgandi, maktabga tayyorgarlik qanday ketayotgani, bolalarga nimalar zarurligi haqida maʼlumot oldi.
Bolalar mehmonlar bilan xayrlashib, ularga sogʻliq, baxt va tinchlik tilagan holda tez-tez tashrif buyurishlarini soʻrashdi.
