Oilaviy munosabatlarni mustahkamlashga qo‘yilgan qadam
Bugungi kunda Milliy gvardiya Buxoro viloyati bo‘yicha boshqarmasi tomonidan bolajonlar bilan yaqindan ishlash uchun malakali mutaxassislar, psixologlar faoliyati yo‘lga qo‘yilganligi hech birimizga sir emas, albatta. Xususan, psixologlarimiz o‘zlariga biriktirilgan Oilaviy bolalar uylarida tarbiyalanayotgan bolalar bilan muntazam ravishda psixologik treninglar va yakka tartibdagi suhbatlarni olib borishmoqda. Bunga misol tariqasida, kuni kecha mas'ullar tomonidan Buxoro shahridagi Jo‘raevlar xonadonida amalga oshirilgan psixologik ishlarni keltirib o‘tishimiz mumkin.
O‘tkazilgan mashg‘ulotda oiladagi ma'naviy-ruhiy muhitning bolajonlarga ta'siri, oilada yuzaga keladigan muammoli vaziyatlarda ota-onaning qanday yo‘l tutishi, oilaviy munosabatlarning muqaddas ekanligi, sog‘lom oila tamoyillariga rioya qilishning bir qator omillari borasida ochiq suhbat qurildi.
Shu bilan bir qatorda, ruhiy zo‘riqishni yengishning turli xil ko‘rinishlari psixologik trening jarayonida amalda ko‘rsatib o‘tildi.
