"Oilaviy hayot ko‘nikmalari" nomli ko‘rik-tanlov o‘tkazildi
Joriy yilning 30 noyabr kuni O‘zbekiston Respublikasi Jamoat xavfsizligi universiteti “Harbiy-vatanparvarlik, maʼnaviy-maʼrifiy tarbiya va yoshlar bilan ijtimoiy ishlash” kafedrasi professor-o‘qituvchilari tashaabbusi bilan Buxoro davlat universiteti Faollar zalida Buxoro shahar 32-sonli Mehribonlik uyi va Buxoro viloyatidagi Oilaviy bolalar uyi tarbiyalanuvchilari o‘rtasida “Oilaviy hayot ko‘nikmalari” nomli ko‘rik-tanlov o‘tkazildi.
Ushbu ko‘rik-tanlovda 2ta jamoa yaʼni, 32-sonli Mehribonlik uyi, Oilaviy bolalar uylari, Bolalar uylari bilan birgalikda shakllantirilgan “Qaldirg‘och” va “Farovon oila” jamoa tarbiyalanuvchilari ishtirok etdi.
Tanlov shartlari: tanishuv, “Bahru-bayt” sheʼriy bellashuv, kundalik uy-ro‘zg‘or yumushlarini (oilaviy birgalikda - salat tayyorlash, qizlar - soch turmagi, o‘g‘il bolalar tugma qadash) bajarish, ijodiy mavzu shartlari bo‘yicha bellashdilar.
Ko‘rik-tanlov yakuni natijasiga ko‘ra, “Qaldirg‘och” jamoasi “Eng ijodkor jamoa”, “Farovon oila” jamoasi esa “Eng zukko jamoa” nominatsiyalari bo‘yicha g‘oliblar aniqlandi. Ko‘rik-tanlov g‘oliblari Fahriy yorliq hamda esdalik sovg‘alari bilan taqdirlandilar.
