OILAVIY BOLALAR UYI TARBIYALANUVCHILARI O‘RTASIDA "OILAVIY HAYOT KO‘NIKMALARI" NOMLI KO‘RIK-TANLOV O‘TKAZILDI
Joriy yilning 12 aprel kuni O‘zbekiston Respublikasi Jamoat xavfsizligi universiteti "Harbiy-vatanparvarlik, maʼnaviy-maʼrifiy tarbiya va yoshlar bilan ijtimoiy ishlash" kafedrasi professor-o‘qituvchilari tashabbusi hamda Milliy gvardiyaning Navoiy viloyati bo‘yicha boshqarmasi bilan hamkorlikda Navoiy viloyati Yoshlar markazi binosida viloyatda tashkil etilgan "Quvnoq bolalar"va "Yangi zamon bolalari" nomli Oilaviy bolalar uyi tarbiyalanuvchilari o‘rtasida "Oilaviy hayot ko‘nikmalari" nomli ko‘rik-tanlov o‘tkazildi.
Ushbu ko‘rik-tanlovda 2 ta jamoa yaʼni, "O‘zbekiston kelajagi", "Yosh gvardiyachilar" jamoalari tarbiyalanuvchilari ishtirok etdi.
Mazkur tadbirda ishtirokchilar “Tanishtiruv”, "Kim bilimdon", "Ro‘zg‘or ishlarida o‘zaro yordam" (salat tayyorlash, kiyim taxlash), "O‘z-o‘ziga xizmat" (qiz bolalar uchun soch turmagi hamda o‘g‘il bolalar uchun tugma qadash) bajarish va "Erkin mavzu" mavzu shartlari bo‘yicha bellashdilar.
Ko‘rik-tanlovda hayʼat aʼzolari va mehmonlar sifatida kafedra boshlig‘i podpolkovnik Akramova Shahnoza Abrarovna, Milliy gvardiya Navoiy viloyati batalyoni komandirining maʼnaviy maʼrifiy va tarbiyaviy ishlar bo‘yicha o‘rinbosari, podpolkovnik Mansurov Sodiqjon Kahramonovich, Navoiy viloyati, Qo‘riqlash boshqarmasi bo‘lim boshlig‘i, podpolkovnik Otabek Ro‘ziyev, Navoiy shahridagi 12-sonli umumtaʼlim maktabining Tarix fani o‘qituvchisi Umirova Sabohat Quvandiqovna, 17-sonli umumtaʼlim maktab o‘qituvchisi Nasriyeva Zulfiya Isroilovna, 4-sonli umumtaʼlim maktabi direktor o‘rinbosari Ismoilov Sarvar Shodijonovichlar qatnashdi.
Ko‘rik-tanlov yakunida ishtirokchilarga "O‘zbekiston kelajagi" jamoasi "Eng zukko jamoa", "Yosh gvardiyachilar" jamoasi esa "Eng ijodkor jamoa" nominatsiyalari bo‘yicha g‘oliblar aniqlandi va faxriy yorliq hamda esdalik sovg‘alari bilan taqdirlandilar.
