"OITS: XXI ASR VABOSI” MAVZUSIDA SEMINAR-TRENING O‘TKAZILDI.
O‘zbekiston Respublikasi Jamoat xavfsizligi universiteti “Harbiy-vatanparvarlik, maʼnaviy-maʼrifiy tarbiya va yoshlar bilan ijtimoiy ishlash kafedrasi” tomonidan Sirdaryo viloyatida Oilaviy bolalar uyi, Baxt shahridagi Respublika o‘g‘il bolalar ixtisoslashgan taʼlim muassasasi tarbiyachilari, tutingan ota-onalar uchun tashkil etilgan malaka oshirish kursi tinglovchilari o‘rtasida “OITS: XXI asr vabosi” mavzusida seminar-trening o‘tkazdi.
Ushbu seminar-treningni o‘tkazishdan asosiy maqsad tinglovchilarga OIV infeksiyasining kelib chiqishi, yuqish yo‘llari, klinik belgilari, OITS bosqichlari qanday ko‘rinishlarda kechishi, ushbu dard shiddat bilan yoyilayotgani olamshumul ijtimoiy muammo tusining oldini olish bo‘yicha maʼlumotlar berib ogohlikka chorlashdan iboratdir. Tadbir so‘nggida tinglovchilar o‘zlarini qiziqtirgan savollariga javob oldilar.
