Oliy Majlis senatori oilaviy bolalar uyida mehmon bo‘ldi
Respublika Oliy Majlis Senati qo‘mitasi raisining yoshlar, madaniyat va sport masalalari bo‘yicha o‘rinbosari Dilorom G‘ofurjonovna Toshmuxammedova Samarqand viloyati Oqdaryo tumani Taraqqiyot ko‘chasida istiqomat qiluvchi Rahimovlar oilaviy bolalar uyida mehmon bo‘ldi. Tashrif davomida mehmonlar besh nafar bolalarning yashash, o‘qish va dam olish sharoitlari bilan tanishdi hamda ularning qiziqishlari, orzulari haqida so‘rashdi. Bolalar o‘zlarining sevib mutolaa qiladigan kitoblari, qatnashadigan to‘garaklari, shuningdek, eng yaxshi ko‘rgan o‘qituvchilari haqida gapirib berishdi. Shundan so‘ng, chizgan rasmlari, yodlagan sheʼrlari va ashulalarini namoyish etishdi. Bolalar opasi Shabbonoy ishlagan qo‘l mehnati buyumlarini faxr bilan ko‘rsatishdi. Bir so‘z bilan aytganda, Dilorom G‘ofurjonova qizaloqning mehnatidan, shu bilan birga Rahimovlar oilasidagi ahil va iliq munosabatga boy muhitdan juda hayratlandi.
