O‘quvchi yoshlar uchun Oshiq eshiklar kuni tashkil etildi.
Milliy gvardiya Farg‘ona viloyati bo‘yicha boshqarmasi Qo‘qon shahrida joylashgan harbiy qism tomonidan Qo‘qon shahrida joylashgan ta‘lim muassasalari o‘quvchi yoshlari uchun “Ochiq eshiklar kuni” tadbiri tashkil etildi.
Tadbir ishtirokchilari harbiy xizmatchilarning hayoti, harbiy xizmatchilarning shaxsiy himoya vositalari, tog‘ tayyorgarligi mashg‘ulotlari, ot sporti, kinologiya san‘ati bilan yaqindan tanishdi. Yoshlar aqliy va jismoniy salohiyat kasb etadigan harbiylik kasbining naqadar sharafli ekanligini o‘z ko‘zlari bilan ko‘rib, o‘zlarida ham vatanparvarlik tuyg‘ulari mujassam ekanligini yashirib o‘tirishmadi. Shuningdek, yoshlar harbiy qismda harbiy xizmatchilarga yaratilgan shart-sharoitlar bilan tanishishdi.
Tadbir davomida, anjom-aslahalar, qurol-yarog‘lar va harbiy texnikalar ko‘rgazmasi bo‘lib o‘tdi.
