Namangan viloyatining Chust tumanida joylashgan “Mehrjon” va “Obi hayot” bolalar sog‘lomlashtirish oromgohlarida Milliy gvardiya xodimlari tomonidan bolajonlarning yozgi taʼtillarini maroqli o‘tkazishlari uchun "Yangi O‘zbekiston yoshlari, birlashaylik!» shiori ostida keng qamrovli sport va madaniy-marifiy tadbirlar o‘tkazilmoqda.
Oromgohlarda tashkillashtirilgan harbiy anjom-aslahalar ko‘rgazmasida harbiylar uchun zarur bo‘ladigan barcha anjomlar va zamonaviy armiyaning kuch qudrati haqida gapirib berishdi. Shaxmat sportida turnir va Kamondan o‘q otish bo‘yicha mahorat darslari o‘tkazildi, shundan so‘ng ushbu sport turiga qiziquvchi bolalar eng yaxshi kamonchi musobaqalarida ishtirok etishdi. Yoshlar ham o‘z navbatida mehmonlarga o‘zlarining isteʼdod va qobiliyatlarini namoyish etishdi. Kimdir sheʼr o‘qib, yana kimdir rasm chizib, boshqalari esa raqsga tushib, qo‘shiqlar aytishdi. Shundan so‘ng, gvardiyachilar bolalar bilan orzu va rejalari, sevimli kitoblari hamda sport haqida suhbatlashishdi. Bolalar Milliy gvardiyada xizmat qilish, harbiylarni tayyorlaydigan taʼlim muassasalari haqida va Qurolli kuchlarda qanday mutaxassisliklar talab qilinayotganligiga katta qiziqish bildirishdi.
Sahifadagi xatolar bo`yicha manzil:
Matn xato bilan:
Sizning izohingiz yoki to`gri versiya:
