Yuraklarni zabt etgan taronalar
Milliy gvardiya Respublika ixtisoslashtirilgan musiqa akademik litseyi o‘quvchilari bugun o‘z tengdoshlari – og‘ir kasallikka chalingan jasorat egalari uchun konsert dasturini namoyish etdi.
Respublika ixtisoslashtirilgan Onkologiya va radiologiya ilmiy-amaliy tibbiyot markazida davolanayotgan bolalar bilan suhbatlashish taklifi bilan markaz bosh shifokori o‘rinbosari va
“Ishonch” xayriya jamg‘armasi ijrochi direktori Dilnoza Agzamxodjayeva murojaat qildilar. Rahbarlar tomonidan sana, vaqt va dasturni muhokama qilinib, tomoshabinlar yoshi, qaysi qo‘shiq va kuylarni ijro etish bo‘yicha kelishib olindi. Maʼlum bo‘lishicha, 18 yoshgacha bo‘lgan kichkintoylar va o‘spirinlar bu yerda hayot uchun kurashmoqdalar. Shu bois repertuar turli xil tanlandi: milliy qo‘shiqlar, zamonaviy xitlar va, albatta, bolalar multfilmlaridan parchalar. Eng asosiysi, konsert dasturi qiziqarli bo‘lishi, bolalarga yaxshi kayfiyat bag‘ishlashi kerak.
Litsey o‘quvchilari Xalqaro bolalarni himoya qilish kuni bilan tabriklab, xar bir xonada bolajonlar uchun qo‘shiqlar kuylashdi. Shuningdek, o‘qishlari hamda sevimli musiqalari haqida bolajonlar bilan dildan suhbat qurdilar.
Yosh tomoshabinlar va ularning ota-onalari harbiy musiqiy akademik litseyi o‘quvchilarini olqishlar bilan kutib olishdi. Markaz bemorlarining ko‘zlaridagi quvonch ijodkorlar uchun asosiy mukofot bo‘ldi.
