Respublika bo‘ylab maktablarda o‘quvchilar va ularning ota-onalari bilan profilaktik suhbatlar o‘tkazilmoqda
Xususan, Toshkent shahar Mirobod tumanidagi 60-sonli maktabda, Namangan viloyati Uychi tumanidagi 37-onli maktab, Sirdaryo viloyatidagi 32-sonli maktab va Farg‘ona viloyatidagi bir qator maktablarda viloyat Milliy gvardiya boshqarmalari vakillari tomonidan ichki ishlar hududiy bo‘lim va boshqarmalari xodimlari hamkorligida o‘quvchilar va ularning ota-onalari bilan suhbat va uchrashuvlar o‘tkazildi.
O‘quvchilar va ularning ota-onalariga voyaga yetmaganlarning huquqbuzarlik va jinoyatlar sodir etishi hamda o‘tkir tig‘li va boshqa xavfli buyumlarni olib yurishining oqibatlari haqida tushuntirildi. Manfaatdor tomonlarning suhbati davomida maktab o‘quvchilarining dars qoldirish sabablari muhokama qilindi. Shu jumladan ota-onalarga bolalarining tarbiyasi va taʼlimiga masʼuliyat bilan yondashishi kerakligi taʼkidlanib, ota-onalik vazifalarini yetarlicha bajarmaganlik uchun qonunda javobgarlik belgilab qo‘yilganligi haqida eslatildi.
Ushbu tadbirlarda maktab maʼmuriyati va o‘qituvchilar qatnashib, o‘quvchilarning xulq-atvori, o‘qishga bo‘lgan munosabati, uyga vazifalarni bajarishi bo‘yicha kuzatuvlari bilan bo‘lishib, ota-onalar savollariga javob berishdi.
Bunday tadbirlar respublika bo‘ylab barcha maktablarda o‘tkazilmoqda.
