Bolajonlar yil boshidanoq yoz faslini intizorlik bilan kutishadi. Axir, yoz – quyoshda toblanish, maktab va darslardan dam olish, qiziqarli sayohatlar hamda sevimli oromgohda yangi do`stlar bilan hordiq chiqarish uchun eng qulay fursatdir.
Poytaxtimizdagi 30-sonli Mehribonlik uyi tarbiyalanuvchilari omadli o`g`il-qizlar qatoridan: Boisi ularning Bo‘stonliqda joylashgan so‘lim tog‘lar bag’rida o‘z sog‘lomlashtirish oromgohi bor. Bolajonlar oromgohni o`zlarini tilida dacha deb atashadi. Ular iyun oyida bu yerga tashrif buyurishib, avgust oyida yana shaharga qaytadilar.
Mazkur oromgohda mazmunli dam olish uchun barcha sharoitlar yaratilgan: mevali daratlar, sport va o‘yin maydonchalari, futbol hamda raqs to`g`araklari va bolajonlar uchun eng muhimi salqin suv bilan to`ldirilgan hovuz. Tashkilotchilar va homiylar tomonidan amalga oshirilgan ta’mirlash ishlaridan so‘ng oromgoh yanada go‘zal va fayzli bo‘ldi.
Oromgohning mavsumiy ochilish marosimiga Milliy gvardiya, Oʻzbekiston ekologik partiyasi, " Hayot qarovsiz qolgan hayvonlarni himoya qilish jamiyati" homiylari va volontyorlari tashrif buyurishdi.
Tadbirning rasmiy qismidan keyin Milliy gvardiya orkestri tomonidan kuylangan vatanparvarlik ruhidagi qo`shiqlar hamda harbiy ximzachilarning ko`rgazmali chiqishlari barchaga ko`tarinki ruh bag`ishladi.
Bayram kechasi an’anaviy gulxan yoqish, bolalarga sovg‘alar taqdim etish va quvnoq raqslar bilan yakunlandi.
Sahifadagi xatolar bo`yicha manzil:
Matn xato bilan:
Sizning izohingiz yoki to`gri versiya:
