Milliy gvardiya masʼullari oilaviy bolalar uylaridagi vaziyatni o‘rganib, yangi o‘quv yiliga tayyorgarligini o‘rganmoqda
Shu kunlarda Milliy gvardiya Markaziy apparati vakillari bolalar bilan ishlash boshqarmasi boshlig‘i polkovnik A. Pirmatov boshchiligida Farg‘ona viloyatida xizmat safarida bo‘lib, oilaviy bolalar uylariga bordi.
Bugungi kunda ishchi guruh Furqat tumanidagi sakkiz nafar bola voyaga yetayotgan "Mehribon qalb", Qo‘qon shahridagi to‘rt nafar bola voyaga yetayotgan "Oila bolalar baxti”, Quva tumanidagi to‘rt nafar bola ulg‘ayayotgan "Saxovat mehridaryo" oilaviy bolalar uylariga bordi.
Tashriflardan asosiy maqsad bolalarning yashash, o‘qish va dam olish sharoitlarini, maktab anjomlari va formalarning mavjudligi, shuningdek, hokimlarning oilaviy bolalar uyi tashkil etish to‘g‘risidagi qarorlari, farzand asrab oluvchi ota – onalar kurslarini tamomlaganlik, malaka oshirganlik to‘g‘risidagi sertifikatlar kabi hujjatlar mavjudligini o‘rganish bo‘ldi. Shu qatorda, bolalar muntazam tibbiy ko‘rikdan o‘tkazilayotganligi ham tekshirildi.
Gvardiya vakillari Ota-onalar va bolalar bilan individual hamda guruh bo‘lib suhbatlashib,bolalarning yozgi taʼtilni qanday o‘tkazganliklari, ota-onalar o‘spirinlarni tarbiyalashga yetarlicha eʼtibor berayotganligi, ularning har tomonlama rivojlanishiga hissa qo‘shayotganligi hamda katta yoshdagi bolalarni mustaqil hayotga tayyorlayotganligini aniqlashdi. Bolalar ishtirok etadigan to‘garaklar, ijodiy studiyalar va sport to‘garaklari hamda muvaffaqiyat va yutuqlari haqida suhbatlashib, rejalar va orzulari bilan bo‘lishishdi. Bolalar bilan o‘tkazilgan suhbatlardan gvardiyachilar oiladagi axloqiy va psixologik muhit, kattalar va o‘spirinlar o‘rtasida qanchalik ishonchli munosabatlar rivojlanganligi to‘g‘risida xulosa chiqarishdi.
Uchrashuv yakunida masʼullar ota-onalarning savollariga javob berishdi, inspektor-psixologlar esa bolalarni tarbiyalash va ularni yangi o‘quv yili boshlanishiga tayyorlash bo‘yicha maslahat va tavsiyalar berishdi.
