Psixologik suhbat davomida...
Bugun Milliy gvaridiya Farg‘ona viloyati bo‘yicha boshqarmasi mutaxassis psixologi viloyatda joylashgan "QALB KO‘ZGUSI" hamda "MUQADDAS RISHTALAR" nomli oilaviy bolalar uylarida tarbiyalanayotgan 11 nafar bolalar bilan uchrashib, induvidual tarzda suhbatlar olib bordi.
Suhbat davomida bolalar bilan dildan, “bolachasi”ga muloqot qilindi. Ularning kelajakka bo‘lgan intilishlari, ilm olishga qiziqishlari, kelgusida qaysi kasb egasi bo‘lish niyatida ekanligi va bu yo‘lda nimalar qilishlari kerakligi haqida fikr almashilib,kerakli tavsiyalar berildi. Uchrashuv davomida interaktiv psixologik test usullaridan ham foydalanildi.
Xulosa qilib aytganda, o‘smirlar yoshlarning alohida toifasi bo‘lib, ular himoyaga muhtoj asosiy qatlamlardan biridir. Ulardagi o‘tish davri psixologik jihatdan zaif bo‘lib, yosh nihol kabi qayerga bursa, o‘sha tomonga og‘ib ketishga moyil bo‘lishadi. Ularni maʼnan yetuk, haqiqiy vatanparvar shaxs bo‘lib yetishlari, taʼlim va tarbiyalarida kamchilikka yo‘l qo‘ymaslik uchun ota-onalar bilan birgalikda kerakli rejalar tuzilib, chora-tadbirlarni amalga oshirish yuzasidan kelishib olindi.
