QASHQADARYO VILOYATI QARSHI TUMANIDA HAM “OILAVIY BOLALAR UYI” TASHKIL ETILDI.
O‘zbekiston Respublikasi Prezidentining 2021 yil 09 avgust kunidagi “Yetim bolalar va ota-ona qaramog‘idan mahrum bo‘lgan bolalarni tarbiyalashning yangilangan tizimini joriy etish chora-tadbirlari to‘g‘risida”gi 5215-sonli Qaroriga muvofiq, Qashqadaryo viloyati Qarshi tumanida ham “Oilaviy bolalar uyi” tashkil etildi. Qarshi tumani “Xoniyon” MFY Ittifoq ko‘chasi-1 uyda yashovchi fuqaro M.Qodirova Qamashi tumanida joylashgan 4-sonli “Mehribonlik uyi”da tarbiyalanayotgan 5 nafar bolalarni o‘z qaramog‘iga olib, kelgusida ushbu bolalarni oila muhitiga tarbiyalash va o‘rgatishga kirishdi. Tashkil etilgan “Oilaviy bolalar uy”larning bugun tantanali ravishda ochilish tadbiri bo‘lib o‘tdi.
O‘tkazilgan ushbu tadbirga, O‘zbekiston Respublikasi Milliy gvardiyasi Qashqadaryo viloyati bo‘yicha boshqarmasi boshlig‘i polkovnik U.Azimov, Qarshi tumani hokimi M.Mustafoyeva, tuman IIB boshlig‘i podpolkovnik Sh.Iskandarov, viloyat Xalq taʼlimi boshqarmasi bolalarni ijtimoiy himoyalash va qo‘llab-quvvatlash shuʼba mudiri B.Ochilovlar ishtirok etdilar.
Tadbirda ishtirok etgan keng jamoatchilik vakillari, “Oilaviy bolalar uy”larini tashkil etgan xonadon egalariga, boshlagan xayrli va saxovatli ishlariga ulkan muvaffaqiyatlar tiladilar.
