QASHQADARYO VILOYATI QARSHI SHAHRIDA HAM “OILAVIY BOLALAR UYI” TASHKIL ETILDI.
O‘zbekiston Respublikasi Prezidentining 2021 yil 09 avgust kunidagi “Yetim bolalar va ota-ona qaramog‘idan mahrum bo‘lgan bolalarni tarbiyalashning yangilangan tizimini joriy etish chora-tadbirlari to‘g‘risida”gi 5215-sonli Qaroriga muvofiq, Qashqadaryo viloyati Qarshi shahrida ham “Oilaviy bolalar uyi” tashkil etildi. Qarshi shahri “Aralovul” MFYda yashovchi fuqaro Sh.Suyunov, Qamashi tumanida joylashgan 4-sonli “Mehribonlik uyi”da tarbiyalanayotgan 9 nafar bolalarni o‘z qaramog‘iga olib, kelgusida ushbu bolalarni oila muhitiga tarbiyalash va o‘rgatishga kirishdi. Tashkil etilgan “Oilaviy bolalar uy”larning bugun tantanali ravishda ochilish tadbiri bo‘lib o‘tdi.
O‘tkazilgan ushbu tadbirda, O‘zbekiston Respublikasi Milliy gvardiyasi Qashqadaryo viloyati bo‘yicha boshqarmasi boshlig‘i polkovnik U.Azimov, viloyat hokimligi bolalarni himoya qilish ishlari bo‘yicha bosh mutaxassisi I.Karimova, viloyat halq taʼlimi boshqarmasi bolalarni ijtimoiy himoyalash va qo‘llab-quvvatlash shuʼba mudiri B.Ochilovlar ishtirok etdilar.
Tadbirda ishtirok etgan keng jamoatchilik vakillari, “Oilaviy bolalar uy”larini tashkil etgan xonadon egalarining boshlagan hayrli va saxovatli ishlariga ulkan muvaffaqiyatlar tiladilar.
