BOLALAR XAVFSIZLIGINI KO‘ZLAB
Navoiy shahar “Vatanparvar” O‘STKda Milliy Gvardiya Navoiy viloyati bo‘yicha boshqarmasi masʼul xodimlari hamkorligida Oilaviy bolalar uyi farzandlari ishtirokida “Diqqat, piyoda” tadbiri doirasida o‘quv mashg‘ulotlari o‘tkazildi. Bundan ko‘zlangan asosiy maqsad bolalar ishtirokidagi yo‘l-transport hodisalarini oldini olishdan iboratdir.
Unda piyodalarning majburiyatlari, yo‘lning tartibga solingan joylaridan kesib o‘tish, yo‘llarda xavfsiz hamda kolonna bo‘lib harakatlanish tartibi tushuntirildi. Harakatlanish madaniyati targ‘ib qilinib, yo‘l belgilari, tartibga soluvchining ishoralari mazmun-mohiyatiga doir maʼruzalar qilindi.
Yoshlarga Navoiy viloyati IIB YHXB tomonidan ishlab chiqilgan ramziy belgi, piyodalar xavfsizligini nazarda tutuvchi bukletlar tarqatildi. Tadbir davomida ishtirokchilarning savol-javoblar orqali olgan bilim va ko‘nikmalar sinovdan o‘tkazildi.
