Samarqand viloyatida Mehribonlik uyining sobiq bitiruvchisi oʻz xonadoniga ega boʻldi
Voyaga yetganidan buyon uy-joyga ega boʻlmagan, sanitariya-gigiyena talablariga javob bermaydigan, yashash sharoiti yo`q binolarda istiqomat qilib kelayotgan 30 yoshgacha bo‘lgan ta’lim muassasalarining sobiq bitiruvchilarini uy-joy bilan ta’minlash boʻyicha samarali ishlar davom etmoqda.
Samarqand viloyatidagi 6-sonli Mehribonlik uyi (hozirda bu muassasa oʻz faoliyatini yakunlagan) bitiruvchisi 27 yoshli Abdug‘aniyev Bastam yillar davomida sharoitsiz bir xonada yashagan.
Milliy gvardiya va mahalliy hokimiyat vakillaridan iborat ishchi guruh tomonidan Bastamning yashash sharoiti oʻrganilib, u uy-joyga muhtojlar roʻyxatiga kiritildi.
Islohotli ishlar natijasida kuni kecha Bastamga Qoʻshrobod tumani Mustaqillik mahallasidan xonadon kalitlari topshirildi.
– Oʻz uyim borligiga hanuzgacha ishongim kelmayapti, – deydi quvonchdan koʻzlari porlab turgan B.Abdug‘aniyev. - Endi hammomi va oshxonasi bor, zamonaviy texnikalar bilan jihozlangan ikki xonali uyda yashayman. Ilgari men ishdan keyin uyga qaytishni istamasdim, u yerda yuvinish, ovqat pishirishning imkoni yoʻq edi. Hozir ishdan keyin uyga qaytishga shoshilaman.
Maqsadim menga berilgan mana shunday imkoniyatlarni oqlash va yetuk mutaxassis boʻlib yetishishdir.
