Oilaviy bolalar uylari Milliy gvardiya harbiy xizmatchi va xodimlarining e’tiborida
Milliy gvardiya Markaziy devoni Bosh boshqarmasi boshlig‘i L.Yaxshilikov boshchiligidagi Milliy gvardiya Xorazm viloyati viloyati bo‘yicha boshqarmasi harbiy xizmatchi va xodimlaridan iborat ishchi guruh Urganch shahrida istiqomat qiluvchi Oilaviy bolalar uyiga tashrif buyurdi. Tashrif davomida Milliy gvardiya vakillari ota-onalar bilan to‘rt nafar farzandining Xiva shahridagi bolalar sog‘lomlashtirish oromgohida qanday dam olayotgani, uyda qolgan bolalarning ta’tilni qay tarzda o‘tkazayotganligi haqida suhbatlashdi. So‘ngra harbiylar xonadondagi yashash sharoitlar va oʻsmir yoshdagi bolajonlarda qanday oʻzgarishlar kuzatilayotganligini oʻrganishdi.
Bolajonlar bilan boʻlgan suhbat ham ikki tomon uchun juda qiziqarli tarzda oʻtdi. Oʻg’il-qizlar oʻz orzulari,qiziqishlari, yoqtirgan sport turlari haqida so'zlab berdi.
Tadbir yakunida an'anaga ko'ra, tashkilotchilar bolajonlarga esdalik sovg'alarini ulashdi.
