Tarbiyalanuvchilar orasidagi quvnoq bellashuv
Poytaxtimizning Yashnobod tumanida joylashgan 30 sonli Mehribonlik uyi tarbiyalanuvchilarning qishki ta’til vaqtlarni mazmunli o‘tkazish, bolalarning fikrlash,dunyoqarashlarini yanada kengaytirish maqsadida ko‘rik tanlov tashkil etildi. Yigit-qizlar mazkur dargohda olayotgan bilimlarini namoyish etib, tarix,adabiyot va she’riyat yo‘nalishlarida o‘zaro bahslashishdi. Nasr va nazmda turli monologlar tayyorlashdi. Ayniqsa Vatan tarovatini tarannum etuvchi she’rlar yig‘ilganlar ko‘nglidan o‘rin oldi. Mazkur dargoh tarbiyalanuvilari orasida iste’dodli yoshlar juda ko‘p. Kimdir ashula aytsa yana birov sho‘x raqslarga tushadi. Tanlov shartlaridan yana biri qo‘g‘irchoqni yurgaklash bo‘lib bu shart orqali qizaloqlarni yoshligidanoq onalik kabi mas’uliyatli vazifani anglashlariga ko‘maklashishdan iborat. Qiziqarli bellashuv yakunida mag‘lublar bo‘lmadi. Bolalarning birgalikda tayyorlagan sahna ko‘rinishlari va faolligi tashkilotchilar tomonidan munosib rag‘batlantirilib ularga esdalik sovg‘alari ulashildi.
