Tarixiy obidalarga sayohat
Yoshlarning maʼnan yetuk boʻlib shakllanishida bilim va koʻnikmalar suv hamda havodek zarurdir. Har bir yosh oʻz xalqi tarixini bilishi, oʻrganishi va oʻzga xalqlar oʻtmishi va madaniyatiga hurmat koʻzi bilan qarashi lozim. Tarixning eng muhim ahamiyati – u oʻtmishimizdan saboq berib, umuminsoniy qadriyatlar va yuksak ma’naviyat timsolida bunyodkorlik va ezgulikka qarab intilishni, hech qachon yovuzlik bilan maqsadga erishib boʻlmaslikni, har qanday vaziyatda ham tarixiy haqiqat bilan yondashishni oʻrgatadi. Bu borada yurtimizda keng koʻlamli ishlar amalga oshirilmoqda.
Xususan, kuni kecha shu munosabat bilan Fargʻona viloyati Qoʻshtepa tumanida istiqomat qiluvchi Zokirovlar oilasi farzandlarining tarixiy obidalar va tabarruk qadamjolarga sayohati tashkil etildi.
Sayohat davomida bolajonlar Xudoyorxon oʻrdasi, muzeyi hamda mavjud eksponatlar bilan yaqindan tanishib, Qoʻqon xonligi tarixi toʻgʻrisida yanada koʻproq maʼlumotlarga ega boʻlishdi.
