Tajriba va bilim almashinuvi
Buxoroda Milliy gvardiya, ichki ishlar organlari va boshqa davlat organlari psixologlari, jumladan, voyaga yetmaganlar o‘rtasida huquqbuzarliklarning oldini olish inspektorlari ishtirokida seminar bo‘lib o‘tdi.
Mazkur seminarda zamonaviy psixologiyada qo‘llaniladigan usullar, voyaga yetmagan yoshlarning xatti-harakatlaridagi og‘ishlar va ularning kelib chiqish sabablari, psixokorreksion ishlarni olib borish imkonini beruvchi mexanizm va vositalar muhokama qilindi. Shuningdek, tajribali mutaxassislarning stressli vaziyatlarni boshdan kechirgan, zo‘ravonlik, psixologik bosimga uchragan, ruhiy tushkunlik holatida bo‘lgan fuqarolar bilan ishlash bo‘yicha ma’ruzalari slaydlar orqali namoyish etildi.
Shundan so`ng, ishtirokchilarning fikr mulohazalari tinglanib, o`zaro tajriba almashildi.
Ishonchimiz komilki, bu kabi psixologik hamkorlik kelgusida muammoli vaziyatlarni hal etishda o‘zining ijobiy samarasini ko‘rsatadi.
