Teatr – maʼnaviyat va maʼrifat o‘chog‘i
Farg‘ona viloyat Yusufjon qiziq Shakarjonov nomidagi musiqali drama va komediya teatrida yangi spektakl namoyishi bo‘lib o‘tdi. Spektaklga tomoshabin sifatida Farg‘ona viloyatidagi oilaviy uylar farzandlari taklif etildi.
Ijtimoiy himoya Milliy agentligi va Milliy gvardiya Farg‘ona viloyati bo‘yicha boshqarmasi tomonidan tashkil etilgan mazkur bayramona tadbir, bolalarga yaxshi kayfiyat, yorqin hissiyotlar ulashib, go‘zallik, yaxshilik va yomonlik mavzularida fikr yuritishga undadi hamda oilada va atrofdagilar bilan o‘zaro munosabatni shakllantirish va mustahkamlashga xizmat qildi.
Mutaxassislar fikriga ko‘ra, teatr namoyishlari bolalar uchun yuqori axloqiy-tarbiyaviy taʼsirga ega bo‘lib, bolalarning so‘zlashish qobiliyati to‘g‘ri rivojlanishi va tarbiyasida muhim o‘rin egallaydi.
Maʼlumot uchun: hozirgi vaqtda viloyatda 14 ta oilaviy uy faoliyat yuritib, ularda umumiy 65 nafar bola baxt va mehr topmoqda.
