“OILAVIY HAYOT KO‘NIKMALARI” KO‘RIK-TANLOVI YUQORI SHUKUHDA BO‘LIB O‘TDI.
O‘zbekiston Respublikasi Jamoat xavsizligi universiteti “Harbiy-vatanparvarlik, maʼnaviy-maʼrifiy tarbiya va yoshlar bilan ijtimoiy ishlash” kafedrasi professor-o‘qituvchilari tashabbusi hamda Milliy gvardiyaning Andijon viloyati bo‘yicha boshqarmasi bilan hamkorlikda Andijon viloyati qo‘g‘irchoq teatrida Andijon viloyati Bolalar shaharchasi va Andijon viloyatidagi Oilaviy bolalar uyi tarbiyalanuvchilari o‘rtasida “Oilaviy hayot ko‘nikmalari” nomli ko‘rik-tanlov o‘tkazildi.
Ushbu ko‘rik-tanlovda 3 ta jamoa yaʼni, “Kelajak nihollari”, “Musaffo qalblar”, “Yosh gvardiyachilar” jamoalari tarbiyalanuvchilari ishtirok etdi.
Ko‘rik-tanlovda hayʼat aʼzolari va mehmonlar sifatida kafedra boshlig‘i podpolkovnik Akramova Shaxnoza Abrarovna, Andijon viloyati Bolalar shaharchasi direktori Nosirova Muazzam O‘rmonbekovna, direktor o‘rinbosari Norbo‘tayev Samandar Abdubakirovich, Milliy gvardiya Andijon viloyati bo‘yicha boshqarma boshlig‘ining Yoshlar masalalari bo‘yicha o‘rinbosari Mamutov Jahongir Ravshanovich, Andijon viloyati Xalq taʼlimi boshqarmasi Bolalarni himoya qilish shoʻba mudiri Atabayev Sarvar Yadgarovich, 35-sonli davlat ixtisoslashtirilgan maktab direktori Islomova Ranoxin Topvoldiyevalar qatnashdi. Ushbu ko‘rik-tanlovga Bolalar shaharchasi, Oilaviy bolalar uyi tarbiyachilari, psixologlari, tarbiyalanuvchilar, Milliy gvardiya boshqarmasi tomonidan biriktirilgan psixologlar, Milliy gvardiya Andijon viloyati bo‘yicha boshqarmasining muddatli harbiy hizmatchilari hamda Andijon viloyati Andijon shahridagi 200 nafar 35-sonli davlat ixtisoslashtirilgan maktab o‘quvchilari, 3-sonli kasb-hunar kolleji, jami 300 nafardan ziyod qatnashuvchilar qamrab olindi.
Ko‘rik-tanlov yakunida ishtirokchilarga “Kelajak nihollari” jamoasi “Eng zukko jamoa”, “Musaffo qalblar” jamoasi esa “Eng Ijodkor jamoa”, “Yosh gvardiyachilar” jamoasi “Eng faol jamoa” nominatsiyalari bo‘yicha g‘oliblar aniqlandi va fahriy yorliq hamda esdalik sovg‘alari bilan taqdirlandilar.
