BO‘KADAGI 15-SONLI MEHRIBONLIK UYI O‘Z FAOLIYATINI YAKUNLADI
Toshkent viloyatining Bo‘ka shahrida joylashgan mazkur maskanda joriy yilning 1 iyul holatiga ko‘ra, 121 nafar bola tarbiyalangan. Bugungi kunga qadar ularning 20 nafari ota-onasi yoki yaqin qarindoshlariga qaytarilgan, 10 nafari vasiylik yoki homiylikka olingan, 25 nafari Oilaviy bolalar uylariga joylashtirilgan, 10 nafari viloyatdagi taʼlim muassasalariga o‘qishga kirgan, o‘rta va undan yuqori bosqichda 8 nafar o‘quvchi voyaga yetmoqda, 48 nafar bola Chirchiq shahridagi 14-sonli “Mehribonlik” uyiga ko‘chirilgan.
Bugungi kunga qadar respublikada 18 ta taʼlim muassasasi yopilgan bo‘lib, shundan 12 tasi Mehribonlik uyi, 4 tasi bolalar shaharchasi va 2 tasi Bolalar uyi.
Eslatib o‘tamiz, 2021 yilning 9 avgust holatiga ko‘ra, 16 ta Mehribonlik uyi va 4 ta bolalar shaharchasida 1900 nafar bola tarbiyalangan.
2021 yil 9 avgustdan joriy yil 2 iyungacha bo‘lgan davrda Mehribonlik uylari va bolalar shaharchasidagi 1903 nafar bola Oilaviy sharoitga ega bo‘ldi. 124 ta Oilaviy bolalar uyida 784 nafar bola tarbiyalanmoqda. 189 nafar tarbiyalanuvchi oliy va o‘rta maxsus o‘quv yurtlariga o‘qishga kirdi, 72 nafar tarbiyalanuvchi voyaga yetganligi – 18 yoshga to‘lganligi sababli taʼlim muassasalarini tark etdi.
Respublikamiz bo‘ylab 4 ta Mehribonlik uyida 417 nafar o‘g‘il-qiz o‘z ota-onasi va oilasini kutmoqda.
