Farg‘ona viloyatida tashkil etilgan "Oilaviy bolalar uylari"ning qish mavsumiga tayyorligi ko‘zdan kechirildi
Favqulodda holatlar va baxtsiz hodisalarni sodir etilishini oldini olish, tarbiyalanuvchi bolalarni xavfsizligini taʼminlash maqsadida Milliy gvardiya Farg‘ona viloyati bo‘yicha boshqarmasi Favqulodda vaziyatlar boshqarmasi, gaz va elektr tarmoqlari korxonalari bilan hamkorlikda ishchi guruh tuzilib viloyatda tashkil etilgan oilaviy bolalar uylarida o‘rganish ishlari olib borildi.
Ishchi guruh tomonidan olib borilgan o‘rganish ishlari davomida, xonadonlarning isitish tizimi va uskunalari, gaz, elektr va boshqa xizmat ko‘rsatish jihozlarining texnik holati ko‘zdan kechirilib, ota-onalar va oila aʼzolariga yong‘in xavfsizligi, gaz va elektr taʼminoti qoidalariga qatʼiy rioya qilishlari bo‘yicha profilaktik tushuntirish ishlari olib borildi.
Bu kabi profilaktik tadbirlarni o‘tkazishdan ko‘zlangan asosiy maqsad, sodir bo‘lishi mumkin bo‘lgan baxtsiz hodisalarni oldini olish hamda oila aʼzolarni yana bir bor hushyorlikka chaqirishdir.
