Farg‘ona viloyatida Oilaviy bolalar uyi farzandlari hamda mahalliy yoshlar ishtirokida "Harbiy qismda bir kun" shiori ostida maʼnaviy-maʼrifiy va sport tadbiri tashkil etildi.
Milliy gvardiya Farg‘ona viloyati bo‘yicha boshqarmasi, O‘zbekiston Yoshlar ittifoqi viloyat Kengashi hamda Yoshlar ishlari agentligi viloyat boshqarmalari hamkorligida harbiy kasbga qiziquvchi voyaga yetmagan yoshlar, Oilaviy bolalar uyi farzandlari, Milliy gvardiyaga biriktirilgan tarbiyasi og‘ir o‘quvchilarning Milliy gvardiya Farg‘ona viloyati bo‘yicha boshqarmasiga tasarrufidagi harbiy qismda "Harbiy qismda bir kun" shiori ostida maʼnaviy-maʼrifiy va sport tadbiri tashkil etildi.
Kun tartibiga muvofiq yoshlar, boshqarmada tashkil etilgan kutubxona hamda muzey faoliyati, psixologik xizmat ko‘rsatish sifatini, harbiy qismda harbiy xizmatchilar uchun yaratilgan shart-sharoitlar bilan yaqindan tanishdi.
Kunning ikkinchi yarmida ishtirokchilar ot sporti to‘garagining faoliyatini o‘rganib, ot ustida sayr qildilar. Shu bilan bir qatorda, bugungi kunda tobora ommalashayotgan sport turi bo‘lgan kamondan otish sport turi bo‘yicha ham mashg‘ulotlar tashkil etilib, yoshlar o‘z mahoratlarini sinovdan o‘tkazdilar.
Tadbirning so‘ngi qismida yoshlarga tashkilotchilar tomonidan esdalik sovg‘alari hamda faxriy yorliqlar topshirildi.
