Oilaviy bolalar uylarida kuz-qish mavsumiga tayyorgarlik tekshiruvi o‘tkazildi
Xususan, shu kunlarda Farg‘ona viloyatida Milliy gvardiya boshqarmasi vakillari, “Inson” Markazining bolalarni ijtimoiy himoya qilish sektori, Favqulodda vaziyatlar boshqarmasi, shuningdek, gaz va elektr taʼminot korxonasi vakillari viloyatda tashkil etilgan har bir oilaviy uylarga borib, qish-kuz mavsumiga tayyorligini tekshirmoqda. Tashrif davomida isitish tizimi, elektr simlari va gaz taʼminot quvurlarining holati tekshirilmoqda. Bolalar va ularning ota-onalari bilan yong‘in xavfsizligi mavzusida profilaktik suhbatlar o‘tkazilib, is gazidan zaharlanish sabablari tushuntirilmoqda. Yong‘in chiqish sabablaridan misollar keltirilmoqda, jumladan, yog‘och isitish mahsulotlaridan foydalanish, nosoz maishiy texnikalardan foydalanish, isitish uskunalarini o‘z vaqtida tekshirish kerakligi haqidagi ogohlantirildi. Ota-onalar bolalarga diqqatliroq bo‘lish kerakligi, ularga yong‘in xavfsizligi qoidalariga rioya qilish muhimligi haqida tushuntirish va bolalarini qarovsiz qoldirmaslik kerakligi to‘g‘risida tushuntirilmoqda. Bundan tashqari, o‘t o‘chirgich va boshqa yong‘inni bartaraf qilish vositalaridan qanday foydalanish kerakligi ko‘rsatilib, birinchi yordam ko‘rsatish bo‘yicha mashg‘ulotlar o‘tkazilmoqda. Bolalar va ota-onalarning savollariga batafsil tushunchalar va javoblar berilmoqda.
Bunday tadbirlar respublika bo‘ylab barcha oilaviy bolalar uylarda o‘tkazilmoqda.
