Toshkentda “Mehribonlik” uyining yana 10 nafar sobiq tarbiyalanuvchilari boshpana bilan taʼminlandil
Avvalroq xabar berganimizdek, Davlatimiz rahbari tashabbusi bilan butun respublika bo‘ylab Milliy gvardiya va hokimiyat masʼul vakillaridan iborat ishchi guruhlar tashkil etilib, ularning vazifasi taʼlim muassasalarining sobiq tarbiyalanuvchilari turmush sharoitini o‘rganishdir.
Natijada, mavjud uy-joy sharoitini yaxshilashga muhtoj yoki davlat tomonidan belgilangan xonadonlarni ololmayotgan 30 yoshgacha bo‘lgan 248 nafar yigit-qiz aniqlandi. Ro‘yxatga kiritilgan har bir yoshning uy-joy masalasi bosqichma-bosqich hal etilayotgani Mehribonlik.uz saytidagi maʼlumotlarda keltirilmoqda.
Navbatdagi xonadonlarga bu safar Toshkent Mehribonlik uylarining 10 nafar sobiq tarbiyalanuvchilari ega bo‘ldi. Ulardan besh nafari 30-sonli taʼlim muassasasida, to‘rt nafari 21-sonli muassasada va bir nafar qiz esa 23- sonli “Mehribonlik” uyida ulg‘aygan.
Balog‘at yoshiga yetgach yuqoridagi o‘n nafar sobiq tarbiyalanuvchilar poytaxtning Chilonzor, Sergeli va Mirzo Ulug‘bek tumanlaridagi yotoqxonalarga joylashtirilgan. Yoshlarning yashash sharoitlari og‘ir ahvolda edi: yashash xonalari, umumiy oshxona, hammom va hojatxona kapital taʼmirga muhtoj bo‘lgan. Bundan tashqari, qizlarning ko‘pchiligi farzand katta qilmoqda...
Ularning eng yoshi takkasi shu yilning sentyabr oyida 30 yoshga to‘ladi, eng kichigi dekabrda 26 yoshga to‘ladi. Yaʼni, sobiq tarbiyalanuvchilarning biri yetti yil, yana boshqasi esa o‘n ikki yil mobaynida uy-joy bilan bilan bog‘liq muammoning yechimini kutib yashaganlar.
Yaqinda esa ushbu o‘n nafar sobiq tarbiyalanuvchilarga Sergeli, Yashnobod, Chilonzor, Mirobod va Mirzof Ulug‘bek tumanlarida joylashgan xonadon kalitlari topshirildi.
Xonadonlar to‘liq jihozlangan, mebel va zarur maishiy texnika, xonadon ichida hammom, oshxonasi va hojatxonasi bor.
Yoshlar g‘amxo‘rlik ko‘rsatayotgan davlatimizdan cheksiz minnatdor.
