Bolalarni har tomonlama rivojlantirish - yurt kelajagi
Qo‘shtepa tumanidagi “Mustaqil oilam kelajagim poydevori” va “Oilam baxtim- quvonchim” oilaviy bolalar uylarining hozirda darsdan, uy vazifalaridan bo‘sh, deyarli barcha vaqtini turli hil o‘yinlar bilan maroqli o‘tkazayotgan farzandlari bilan Milliy gvardiya Farg‘ona viloyati bo‘yicha boshqarmasi harbiy xizmatchi va xodimlari madaniy ko‘ngilochar va sport musobaqalarini o‘tkazmoqda.
Shuningdek, bolalardan psixologlar xabar olgani kelib turishadi, ular tomonidan suhbatlar, psixologik test va o‘yinlar o‘tkazishadi. Bunday tadbirlarni o‘tkazishdan asosiy maqsad bolalarni har tomonlama yetuk shaxs etib tarbiyalashga ko‘maklashishdan iborat.
Yaqinda bo‘lsa Milliy gvardiya Farg‘ona viloyati bo‘yicha boshqarmasi boshlig‘ining o‘rinbosari podpolkovnik A. Musinov boshchiligidagi bir guruh harbiy xizmatchilar oilalaviy bolalar uylariga tashrif buyurdi. Tashrifdan ko‘zlangan asosiy maqsad bolalarning yozgi taʼtili qanday o‘tayotgani, taʼtili payti qanday orzu-istaklari borligini bilish edi. Muloqot natijasida “yo‘l xaritasi” tuzilib, masʼul harbiy xizmatchi va xodimlarga tegishli ko‘rsatmalar berildi.
