Yangi yil bayrami tоborа yaqinlashib kelmoqda.
Shu munosabat bilan joylarda bolajonlar uchun tadbirlar tashkil etilmoqda. Xususan, YETIM BOLALAR VA OTA-ONA QARAMOG‘IDAN MAHRUM BO‘LGAN, shuningdek, ota-onalari o‘z xizmat vazifasini bajarish chog‘ida halok bo‘lgan harbiy xizmatchi va xodimlarning voyaga yetmagan farzandlari uchun ham bayram tantanalari o‘tkazilib, “Prezident sovg‘alari” topshirilmoqda.
Xususan, Poytaxtimizda joylashgan Mehribonlik uylarida tashkil etilgan bayram tadbirlarida xushovoz xonandalarning konsert dasturlari hamda ertak qahramonlarining chiqishlari va shu bilan bir qatorda bolajonlar tomonidan tayyorlangan turli hil badiiy chiqishlar, sahna ko‘rinishlari bayramga yana-da o‘zgacha zavq bag‘ishladi.
Ayniqsa, bayram tadbiri davomida murg‘ak bolajonlar tomonidan “Qorboboga xat” orqali bitilgan barcha istak-xohishlari ro‘yobi - o‘zlari orzu qilgan sovg‘alar xomiylar tomonidan bolajonlarga tantanali ravishda topshirildi. Jumladan, ular velosiped, telefon, planshet hamda boshqa bir qator qimmatbaxo sovg‘alarni juda katta his-xayajon bilan qabul qilishdi .
Shu bilan bir qatorda, “Tomosha” nomli bolalar teatrida yosh avlod uchun “Yo‘lbars afsonasi” nomli spektakl namoyish etildi. Qorbobo va qorqiz hamda ertak qahramonlarining chiqishlari bo‘lsa ishtirokchilarga bayramona kayfiyat ulashdi. Bayram so‘ngida Prezident sovg‘alarining tantanali ravishda topshirilishi bo‘lsa, bolajonlarning xursandchiligiga yana-da quvonch baxsh etdi
Albatta, bolajonlar qalbida, yuz ko‘zida bir olam shodlik va quvonchni tuhfa eta olish - bu eng oliy insoniy fazilatlardan biridir.
