Yetim va ota-ona qaramog‘idan mahrum bo‘lgan bolalar imtiyoz asosida talabalikka qabul qilindi
Davlatimiz rahbarining 2021-yil 9-avgustdagi qarori asosida oliy ta'lim muassasalariga talabalarni qabul qilishning umumiy sonidan Mehribonlik muassasalari bitiruvchilari uchun qo‘shimcha ravishda bir foizgacha davlat granti asosida qabul kvotalari SOS – bolalar mahallalari, Oilaviy bolalar uylari farzandlari, shuningdek, vasiylikka, homiylikka olingan bolalar uchun ham tadbiq qilina boshladi.
Shu ma'noda, davlatimiz yetim va ota-ona qaramog‘idan mahrum bo‘lgan bolalarga g‘amxo‘rlik qilgani kabi Kamiljonovga ham oliy ta'limga kirishi uchun imtiyoz berildi.
U Buxoro davlat universitetining bog‘dorchilik fakultetiga qabul qilindi. Xorazmdan yetib kelgan ushbu talabani Milliy gvardiya Buxoro viloyati bo‘yicha boshqarmasi mas'ul xodimlari universitetga olib borib, uni talabalar yotoqxonasiga joylashtirishdi.
Ma'lumot uchun: ushbu qo‘shimcha kvotalarning oliy ta'lim muassasalari bo‘yicha taqsimoti Maktab va maktabgacha ta'lim vazirligi va Milliy gvardiya tomonidan belgilanib, 2021/2022-o‘quv yilida jami 267 nafar, 2022/2023-yilda bo‘lsa, jami 790 nafar yetim va ota-ona qaramog‘idan mahrum bo‘lgan bolalar o‘qishga qabul qilindi. Ularning 18 nafari esa Buxoro viloyatidagi oliy ta'lim muassasalariga o‘qishga kirgan yoshlar hisoblanadi.
