Yoshlarga eʼtibor – kelajakka eʼtibor
Joriy yilning 13-may kuni Oʻzbekiston Respublikasi Milliy gvardiyasi Samarqand viloyati boʻyicha boshqarmasi psixologlari tomonidan viloyatda tashkil etilgan 7-sonli Oilaviy bolalar uyining hozirgi kundagi faoliyati,mavjud muammolar, bolalarning oʻqishi, turmush-tarzi, axloqiy-ruhiy holati, tarbiyasi hamda boshqa masalalarni oʻrganish va amaliy yordam koʻrsatish maqsadida tashrif buyurildi.
Tashrif davomida bolalarning sport bilan doimiy ravishda shugʻullanayotganligi, oldilariga aniq va maqsadli rejalar qoʻyib, tanlagan yoʻnalishlari asosida tayyorgarlik koʻrib kelayotganliklari aniqlandi.
Shuningdek, balogʻat ostonasiga qadam qoʻyayotgan qizlarning pazandalik borasida ham yangi koʻnikmalar oʻzlashtirayotganligi quvonarli holat. Ishonchimiz komilki, ular qaysi kasbni tanlashmasin oʻrganayotgan bu hunarlari albatta, katta hayotda asqotadi.
Tadbir yakunida masʼullar tomonidan oilada uchrashi mumkin boʻlgan muammolar yechimi boʻyicha amaliy yordam berildi.
