TIL BILGAN – EL BILADI
Gulbahor Xushvaqtovna va turmush o‘rtog‘i Baxtiyor Omonovichlar bu naqlga amal qilib, Qarshi shahri Iqtisodiyot instituti Chet tillar kafedrasi o‘qituvchisi Zuhra Zulfikarovani xonadoniga mehmonga taklif etdi. Tashrif davomida tajribali o‘qituvchi ota-onaga besh nafar farzandning qobiliyatlarini qanday rivojlantirish kerakligi bo‘yicha tavsiyalar berdi.
Bolalar bilan bo‘lgan suhbat jarayonida ustoz kim qanday ertaklarni yaxshi ko‘rishini, kim xorijiy mamlakatlar haqida bilishini aniqlab, bolajonlarning javoblari asosida o‘quv jarayonini qanday olib borish kerakligini belgilab oldi.
Zuhra Zulfikarovaning fikricha," Gulbahor Allanazarovaning barcha farzandlari iste'dodli va albatta,har biri bilim olishga intiladi. Ota-onasi bolalar bilan shug‘ullanayotganligi ko‘rinib turibdi"
Gulbahor Allanazarova uzoq yillar Qashqadaryo viloyatida joylashgan 4-sonli Mehribonlik uyida ishladi. Ta'lim muassasasidan bolalarni o‘z oilasiga olish imkoniyati bo‘lganida, u turmush o‘rtog‘i va katta farzandlari bilan maslahatlashdi. Bu taklifni uning oilasi qo‘llab-quvvatladi. O‘tgan yilning noyabr' oyida Gulbahor Xushvaktovnaning orzusi ushaldi va ularning ulkan, 13 xonali uyida bolalarning quvnoq ovozlari yangradi.
