Bayram kaleydoskopi
Mamlakatimiz bo`ylab Milliy gvardiya harbiy xizmatchi va xodimlari tomonidan Mehribonlik va Oilaviy bolalar uyi o`g`il-qizlari uchun bayram tadbirlari tashkil etildi.
Konsert dasturi, teatrga ekskursiyalar, istirohat bog‘lari va attraksionlarga sayohat shular jumlasidandir.
Tadbir davomida bolajonlarga ezgu tilaklar bildirilib, esdalik sovg‘alari topshirildi.
Bir so‘z bilan aytganda, tashkilotchilar har bir bolaga g‘amxo‘rlik va e’tibor qaratib, ularni xursand qilishga harakat qilishdi.
Fotosuratlardagi bolajonlar juda baxtli...
Voqealar shunchalik ko'pki, ular haqida gapirish uchun bir hafta ham yetmaydi. Biz barchasini bir sahifaga jamlashga qaror qildik.
Buxoro viloyati
Milliy gvardiya, hokimiyat vakillari va Labi Hovuz” arxitektura majmuasi rahbariyati tomonidan Oilaviy bolalar uyi farzandlari uchun “Somoniylar istirohat bog`i”ga sayohat tashkil etildi.
Ekskursiyadan so‘ng bolajonlar bayram dasturxoniga taklif qilinib, esdalik sovg`alari ulashildi.
Milliy gvardiya, hokimiyat vakillari va "Labi Hovuz” arxitektura majmuasi rahbariyati tomonidan Oilaviy bolalar uyi farzandlari uchun “Somoniylar istirohat bog`i”ga sayohat tashkil etildi.
Bolajonlar Milliy gvardiya “Chavandozlar maktabi” va Buxoro viloyati hokimligi hamkorligida tashkil etilgan tadbirga taklif etildi. Tadbirda tashkilotchilar bolalarni bayram bilan samimiy muborakbod etib, ezgu tilaklarini bildirishdi. Mohir chavandozlar tomonidan o’g’il-qizlarga otlarning nasli va ot sporti haqida so‘zlab berilib, ot minish bo‘yicha mahorat darslari o‘tkazildi.
Qashqadaryo viloyati
Kasbi tumanida istiqomat qiluvchi Aralovlar oilasining olti nafar farzandi ta’til kunlarida Buxoro viloyatiga tashrif buyurdi.
Sharq ertaklarini eslatuvchi shaharga bo`lgan sayohat naqadar maroqli o`tganligi suratlarda aks ettirilgan. Buxorodagi muzeylar, maqbaralar va tarixiy-me’moriy majmualar bolajonlarda katta taassurot qoldirdi.
Ekskursiyadan so‘ng bolajonlar bayram dasturxoniga taklif qilinib, esdalik sovg`alari ulashildi.
Navoiy viloyati
Xalqaro bolalarni himoya qilish kunida Karmana tumanida istiqomat qiluvchi Oilaviy bolalar uyiga Navoiy viloyati hokimi Normat Tursunov va Milliy gvardiya viloyat boshqarmasi boshlig‘i podpolkovnik B.Toirovlar tashrif buyurdi. Mehmonlar bolajonlarni bayram bilan tabriklab, ularga sovg‘alar ulashdi.
Bu hali hammasi emas, o`g`il-qizlarni oldinda Navoiy viloyati Bolalar teatriga sayohat kutmoqda edi.
Zarafshon shahri va Tomdi tumanida hokimiyat vakillari va Milliy gvardiya xodimlari tomonidan Oilaviy bolalar uyida bayram tadbirlari o‘tkazildi. Bolajonlar va ularning ota-onalariga Milliy gvardiya qo‘mondonining bayram tabrigi o‘qib eshittirilib, esdalik sovg‘alari topshirildi va konsert dasturi namoyish etildi.
Shundan so`ng, barcha o`g`il-qizlar Qo'g'irchoq teatriga taklif qilindi.
Toshkent
Jamoat xavfsizligi universiteti va Uchtepa tumani “Qo`riqlash” bo‘limi xodimlari tomonidan “Namuna” mahallasidagi Oilaviy bolalar uyi turar-joy kompleksida bayram tadbiri tashkil etildi.
Tadbir davomida ijodiy bellashuvlar, qiziqarli sport va intellektual musobaqalar o`tkazilib, sho`x taronalarga boy bo`lgan konsert dasturi namoyish etildi.
Sirdaryo viloyati
Xalqaro bolalarni himoya qilish kuni munosabati bilan Sirdaryo viloyatidagi Oilaviy bolalar uyi farzandlari uchun Milliy gvardiya viloyat boshqarmasi va Harbiy prokuratura hamkorligida poytaxtga sayohat uyushtirildi.
Tadbir avvalida o`g`il-qizlar “Yangi O‘zbekiston” bog‘iga tashrif buyurib, shundan so`ng, “Anhor – Lokomotiv” istirohat bog‘ida hordiq chiqarishdi. Kunning ikkinchi yarmida bolajonlar Xalqlar do‘stligi saroyida bo‘lib o‘tgan bayram konsertini tomosha qilishdi.
