SOG‘LOM AVLOD-KELAJAK POYDEVORI
Milliy gvardiya Farg‘ona viloyati bo‘yicha boshqarmasi va viloyat sog‘liqni saqlash boshqarmasi bilan birgalikda tayyorlangan chora-tadbirlar rejasiga asosan Farg‘ona viloyatida tashkil etilgan "Oilaviy bolalar uyi", patronat va vasiylik asosida mehribonlik uyi tarbiyalanuvchilarini oila davrasiga qabul qilgan ota-onalar ishtirokida tarbiyalanayotgan bolajonlarning sog‘lig‘ini muhofaza qilish, kasalliklarni oldini olish, shuningdek sog‘lom turmush tarziga rioya etishda to‘g‘ri tavsiyalar berish maqsadida chuqurlashtirilgan tibbiy ko‘rik tashkil etildi.
Tibbiy ko‘rikka hududiy oilaviy poliklinikalarining terapevt, xirurg, pediatr, okulist, lor, travmatolog (ortoped), nevropatolog, stomatolog kabi malakali shifokor mutaxassislari jalb etilib, jami 100 nafardan ziyod bolajonlar uchun shifokorlar tomonidan tegishli tekshiruvlar amalga oshirildi.
Shu bilan bir qatorda, tibbiy ko‘rik davomida malakali shifokorlar tomonidan bolajonlarga hamda ularning ota-onalariga sog‘lom turmush tarzini shakllantirishda doimiy jismoniy tarbiya va sport bilan shug‘ullanish, sanitariya va gigiyena talablariga rioya etish, to‘g‘ri ovqatlanish ratsioniga amal qilish borasida tegishli maslahatlar berildi.
