Урганчда жойлашган “Болалар уйи” даги ҳар бир болажон ўз оиласига эга бўлди.
Куни кеча Урганчдаги “Болалар уйи”нинг сўнгги тарбияланувчисини бувиси ўз қарамоғига олди... Болалар ётоғи бўм-бўш, иншоот ноодатий жимжит эди. “Фарзандларимиз ўз оиласига эга бўлди, - табассум қилади Болалар уйи бош шифокори Людмила Дзугаева. – Жорий йилнинг 1 январь ҳолати бўйича бизда гўдакликдан 4 ёшгача бўлган етти нафар бола бор эди. Тўрт ой ичида уларнинг барчаси васийликка, Оилавий болалар уйларига асраб олинди. Эътиборли жиҳати, уларнинг аксариятини ўз оналари олиб кетди. Людмила Руслановна 22 йилдан буён Урганч шаҳрида жойлашган Хоразм вилояти “Болалар уйи”да ишлаб келади ва шу вақт ичида онаси боласи учун қайтиб келмаган ёки бошқа яқин қариндошлари олиб кетмаган ҳолатларга ҳам дуч келганини айтиб ўтди. Сўнгги йилларда муассасага келган болалар сони камайиши кузатилмоқда. – Бу ерда эндигина иш бошлаганимда йилига ўртача 30-35 нафар чақалоқ қабул қилинар эди, – дейди Л.Дзугаева. – “Болалар уйи”да 40 та ўриннинг ҳаммаси ҳеч тўлмаган, сўнгги етти йил ичида бизга келувчи болалар сонини камайтириш жараёни янада жадаллашиб бормоқда. Менимча, бу аҳоли турмуш даражаси ва сифати, одамларнинг ҳуқуқий саводхонлиги юксалиб бораётганлигидан ва албатта, ижтимоий қўллаб-қувватлаш тизими кучайтирилганлигидан далолат беради. Дарҳақиқат, бугунги кунда аёл учун қийин молиявий аҳвол, уй-жой ёки иш билан боғлиқ муаммоларни ҳал қилиш анча енгиллашди. Жамиятимизнинг никоҳсиз бола туғилишига муносабати аста-секин ўзгариб бормоқда. Хотин-қизлар ўз ҳуқуқларини фаолроқ ҳимоя қилмоқда, ўзига бўлган ишончи мустаҳкамланмоқда. "Ёш аёллар туғруқхонада болалардан воз кечишди, лекин кейинчалик улар ўз фарзандларини олиб кетишди", деб давом этади Людмила Руслановна. – Иш топишда ёрдам сўрадик, болалар нафақасининг янги тизими, жумладан, бола туғилиши учун бир марталик нафақа тўлаш бўйича маслаҳатлар олдик. 2022 йил апрель ойидан бошлаб мактабгача таълим муассасаларига болалар икки ёшдан қабул қилина бошланди. Турмушга чиқмаган қизнинг ота-онаси набираси туғилганлигидан хабар топиб, неварасини олиб кетган ҳолатлар ҳам бўлди. Бизда бор йўги бир марта бола икки ёшгача тарбияланган ҳолат бўлган. Боиси бола ногирон бўлиб, унинг ота-онаси ҳам имконояти чекланганлар тоифасидан эди ва улар Болани парвариш қила олмаган. Шундан сўнг, болакайни борича қабул қилишиб, ўз ота-онаси олиб ketgan.Urganchdagi “Болалар уйи” мисолида биз ёпиқ турдаги болалар муассасаларини деинституционализация қилиш жараёни қандай «оғриқсиз», оптималлаштиришларсиз, табиий тарзда амалга ошишини кўрмоқдамиз. Хотин-қизлар ва болаларни давлат томонидан қўллаб-қувватлаш, етим ва ота-она қарамоғисиз қолган болаларни ҳимоя қилишнинг янги тизими жорий этилгани туфайли барча болалар ўз оилаларига эга бўлди. Бино, коммунал хоналар, "Болалар уйи" ҳудуди ҳақида нима дейиш мумкин? Ҳаммаси Соғлиқни сақлаш вазирлиги балансида қолади. Келажакда катта эҳтимол билан болалар учун тиббий муассаса бўлади. Ота-оналар фарзандларини бу ерга даволаниш учун олиб келишади ва муассаса яна болалар билан тўлади. Аммо бу бутунлай бошқа ҳикоя бўлади, ҳар бир боланинг меҳрибон онаси ва отаси bo`ladi.Ikki йил давомида болаларни оилаларга жойлаштиришнинг оилавий ва бошқа муқобил шаклларини жорий этиш ҳамда Меҳрибонлик уйларини деинституциализация қилиш бўйича олиб борилган ишлар натижалари билан Mehribonlik.uz сайти ва Телеграм канали орқали ҳам танишишингиз мумкин.
