ФАРҒОНА ВИЛОЯТИДА ЯНА БИР БАХТЛИ ОИЛА ЯРАТИЛДИ
Фарғона вилоятининг Ўзбекистон туманидан ташриф буюрган Эргашевлар оиласи хайрли ишга қўл уриб, турли ёш ва миллатга мансуб беш нафар ўғилни ўз қарамоғига олишди. Тўрт нафар бола Тошкентдаги 22 - сонли "Меҳрибонлик" уйи, бешинчиси- 13 ёшли Руслан эса Чирчиқ шаҳридаги 14-сонли "Меҳрибонлик" уйида тарбияланувчисидир. Аксарият йигитлар аллақачон балоғат ёшида бўлиб: иккитаси 17 ни ва яна иккитаси 16 ни тўлдирган.
Эргашевлар оиласига берилган биринчи савол қуйидагича бўлди: тарбияланувчиларнинг ёши катталиги, ўз характерлари, одатлари уларни қўрқитмадими?
Ота-она шундай жавоб берди:
– Икки ўғилни тарбияладик: тўнғич фарзандимиз ҳозир университетда ўқийди, иккинчи ўғлимиз 7-синф ўқувчиси. Биз йигитлар тарбиясида оз бўлсада тажрибага эгамиз. Биз бир-биримиздан яқин муносабатлар ўрнатишни, умумий қизиқишларни излашни, ҳамма билан тил топишишни ўрганмоқдамиз. Руслан ҳам тўнғич ўғлимиз каби спортга меҳр қўйгани, Тошкентдаги самбо секциясига ташриф буюрганини аллақачон билиб олдик. Олег машиналарни таъмирлашни билиши, автомеханик бўлишни орзу қилишини айтди. Бу ажойиб, яхши касб ва бизнинг ҳудудда жудаям кераклидир. Данил ва Артур ўзларини стилистлик касбида синаб кўришни хоҳлашмоқда, агар улар келажакда ўз бизнесларини очишга қарор қилишса, биз уларни қўллаб-қувватлаймиз. Самир компьютерлар билан шуғулланишни яхши кўради ва кенжа ўғлимиз ҳам компьютер соҳаси бўйича юқори билимга эга экан.
Мастурахон Абдужалиловна ўсмирлар билан мулоқот қилишда катта тажрибага эга: у маълумоти бўйича ўқитувчи бўлиб, ҳозирда у директорнинг ўқув ишлари бўйича ўринбосари – катта ўқитувчидир. Оила бошлиғи Дилшодбек Иброхимович узоқ йиллар офтальмолог бўлиб ишлаган. Бир муддат аввал деҳқончилик билан шуғулланишга қарор қилди ва албатта, бу иш уларнинг кўп вақтини банд этмоқда. Шу боис болалар қаровсиз қолиб кетмаслиги учун Мастурахон опанинг опаси, Шахноза Абдужалиловнани тарбиячи қилиб олишди.
Шу кунларда Эргашевларнинг хонадонида меҳмонлар кўп ташриф буюриб: қариндош-уруғлар, маҳалладаги қўни-қўшнилар – ҳамма болалар яқиндан танишишмоқда.
